Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nesër më 2 prill 2021, në orën 13.30, në Besi të komunës së Prishtinës, zbulohet pllakati i gurë-themelit, ku do të vendoset Monumenti i Kryengritjes Shqiptare të Marsit, Prillit dhe Majit të vitit 1981 me kërkesën gjithë popullore: “Republikë-Kushtetutë, ja me hatër ja me luftë”, ka bërë të ditur Këshilli Organizativ i tri grupeve të të burgosurve të vitit 1981, të cilët 40 vjet më parë kishin vendosur barrikada, kishin çarmatosur rezervistët që vinin nga Serbia me qëllim për të shtypur demonstruesit në Prishtinë. Kjo kryengritje, e para 40 viteve bëri të Presidenca e RSFJ-së të shpallë gjendjen e shtetrrethimit në krejt territorin e Kosovës prej 2 deri më 18 prill të vitit 1981.
Ky është gurë-themeli i dytë për kryengritjen e vitit 1981, pas vendosjes së gurë-themelit te Mensa e Studentëve më 11 mars, në shënim të 40-vjetorit të revoltës gjithë-popullore me moton: Vetëvendosje-Kushtetutë, ja me hatër ja me luftë, të emërtuar si Pranvera shqiptare 1981.
