Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nesër me 5 tetor në orën 14.oo nga pika e karburantit e deri te Shkolla e Orllanit do të mbahet një protestë me moton: Mjaft rrënime, duam investime. Kërkesat janë shqetësimi i banorëve te Orllan nga rrënimet qe po behën , krijimi i paqartësive nga institucionet përkatëse, kërkesa për një projekt zhvillimor ekonomik për Orllanin me rrethinë dhe ndërprerjen e rrënimeve pa plan për investime. Orllani nga një Komunë qe ishte dikur me mbi 30.000 banor është kthyer ne një vend me 3000 banor , krejt kjo ka ndodh si mungesë e investimeve nga institucionet tona , po nuk mungon rrënimi dhe shfrytëzimi I resurseve tona nga institucionet tona Ju bëjmë thirrje bashkëvendëseve qe janë banorë dhe atyre qe janë shpërngulur nga Orllani dhe fshatrat përreth te bashkohen në protestë duke kërkuar investime ne rrugët e 11 fshatrave përreth Orllanit , plan-Projekt për zhvillimin e turizmit qe te krijohen vende pune ne mënyrë te mos ketë shpërngulje te banorëve. MMPH dite me par ka marr vendim për rrënimin e disa objekteve te përkohshme qe gjenden përreth liqenit ne Orllan ku përfshihen edhe trasat e restoranteve , shtëpi banimi , dhe nga inspektoret e MMPH thuhet se kjo është vetëm fillimi shumë shpejt do te ketë vendim për rrënime tjera . Banoret me te drejt janë te shqetësuar dhe flitet për shpërngulje masive nga këto fshatra.
Në mungesë të vendeve të punës dhe nevojave tjera familjare, si shkollimi shëndetësia, punësimi, shumë banorë kanë ikur nga kjo zonë, duke krijuar një zonë gati të boshatisur e që në periudhën e fundit kohore zhvillimi i turizmit dhe hapja e disa restoranteve i kanë mundësuar shumë të rinjve të kësaj treve që të punësohen dhe të njëjtit kanë gjetur një arsye për të mos u shpërngulur pasi janë punësuar në vendlindjen e tyre.
Vendimi për rrënimin e këtyre objekteve të vendosura përkohësisht, mund të ndikoj drejtpërdrejt në pamundësinë e jetesës për këta të rinj dhe detyrimin e tyre të ikin për shkak se nuk ka ndonjë alternativë tjetër për punësim në këto treva.
