Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ligjëruesja në Universitetin e Amsterdamit, Nevenka Tromp, ka deklaruar se kryeministri, Albin Kurti po kalkulon për zgjedhjet e ardhshme, prandaj ka filluar ta përmend padinë për gjenocid ndaj Serbisë, edhe pse deri tani nuk ka bërë asgjë. Që nga viti 2008 kam dëgjuar liderët e Kosovës kryeministrin, presidentin, kushdo që ishte të hapin këtë temë në publik dhe deri tash, asgjë nuk ka ndodhur. Audienca kosovare mund ta kujtoni që edhe ish-presidenti Thaçi kishte folur në OKB, kam dëgjuar presidenten aktuale të Kosovës, zonjën Vjosa Osmani ta përmendë këtë, në të kaluarën, qëkur është presidente e Kosovës. Kam frikë që përderisa nuk shoh veprime konkrete dhe plan të shtjelluar, për mua, nga jashtë, por shumë e interesuar në vëzhgimin e situatës në Kosovë, mund të them që më shumë duket si efekt politik për të shërbyer qëllime të caktuara se sa fillimi i vërtetë i një procesi ligjor që është punë e komplikuar. Njohësja e çështjeve juridike, Nevenka tromp thotë se padia për gjenocid ndaj një shteti tjetër mund të bëhet vetëm përmes Gjykatës Ndërkombëtare të Drejtësisë, dhe pasi Kosova nuk është pjesë e Kombeve të Bashkuara, ajo nuk mund ta shfrytëzojë këtë gjykatë për të ngritur padi ndaj Serbisë.
