Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Që nga 4 shtatori i vitit 2020, kur në Shtëpinë e Bardhë u sigurua njohja nga Izraeli, vazhdon të mbetet 117 numri i shteteve që e njohin pavarësinë e Kosovës. Nga Ministria e Punëve të Jashtme nuk kanë folur për mungesën e njohjeve. E, njohës të marrëdhënieve ndërkombëtare dhe diplomacisë vlerësojnë se për njohje të reja duhet më shumë punë dhe një strategji e mirëfilltë. Asnjë njohje e re pavarësisë së Kosovës nuk ka shënuar Ministria e Punëve të Jashtme dhe institucionet e tjera shtetërore, gjatë vitit 2022. Në Ministrinë e Jashtme as në Presidencë nuk japin informata as duan të ballafaqohen me pyetjet e gazetarëve lidhur stagnimin e procesit të njohjeve të pavarësisë së Kosovës nga shtetet e botës të cilat ende nuk na kanë njohur si shtet sovran. Duke komentuar faktin e mungesës së njohjeve të reja, profesori i diplomacisë dhe negocimit ndërkombëtar, Valon Murtezaj, thotë se institucionet duhet të punojnë më shumë e të kenë strategji të mirëfillta.
