Nga shtatori, Komuna e Ferizajt ul shkallën e tatimit në pronë për 10%

03/08/2018 Institucionet

Që nga shtatori i këtij viti Komuna e Ferizajt do ta ul shkallën e tatimit në pronë në masën 10 për qind. Kështu u ka thënë përfaqësuesve të bizneseve gjatë një takimi, drejtoresha e Drejtorisë së Financave, Sebahate Ajeti-Sadiku. Ajo ka shtuar se kjo përbën një zotim të Kryetarit të Ferizajt, Agim Aliu, dhe se përfitues më të mëdhenj nga kjo ulje do të jenë bizneset. Madje ka paralajmëruar edhe lansimin e një fushate e cila në fokus do ta ketë sensibilizimin e opinionit për procedurat e pagesës dhe përfitimet. Gjithashtu në këtë paraqitje, e para e kësaj drejtorie Sebahate Ajeti-Sadiku, u ka bërë me dije qytetarëve se që nga tetori i këtij viti arkëtimi i borxheve do të bëhet përmes përmbaruesve privat. Ka paralajmëruar edhe mundësinë që këto borxhe të shlyhen edhe përmes programimit të borxhit. Ka vënë në dukje se vlera e inkasimit të të hyrave nga tatimi në pronë gjatë kësaj periudhe ka shënuar shifrën e 1 milionë eurove. Në anën tjetër, përfaqësuesit e bizneseve kanë kërkuar që ndaj kontribuesve të rregullt të krijohen edhe lehtësira tjera. Kanë përmendur Ligjin për Faljen e Borxheve i cili i ka vendos në pozita të pabarabarta me ata që nuk i kanë kryer obligimet. Në këtë kuptim drejtoresha Sebahate Ajeti- Sadiku, ka thënë se tatimpaguesit e rregullt nuk kanë obligime të kamatave sikurse ata që nuk i kryejnë ato. Për më tepër u tha se të hyrat nga tatimi në pronë qytetarëve u kthehen në formë të investimeve kapitale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara