Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata terroriste ISIL dyshohet se ka kryer sulmin vdekjeprurës në një festë dasme në Gaziantep të Turqisë, ka deklaruar kryetari i Turqisë Rexhep Tajip Erdogan. Numri i të vrarëve në sulmin e së shtunës mbrëma ka arritur në 50, tha zyra e guvernatorit lokal. Sipas burimit të njëjtë, gati 100 veta janë plagosur. Sulmuesi i dyshuar vetëvrasës ka hedhur veten në erë pranë një dasme kurde. Gaziantepi, i cili ndodhet pranë kufirit me Sirinë, ka disa qeliza të Shtetit Islamik. Në një deklaratë me shkrim, të publikuar nga mediat lokale, Erdogan tha se “nuk ka dallim” midis Shtetit Islamik, militantëve të Partisë së Punëtorëve të Kurdistanit dhe ndjekësve të klerikut, Fethullah Gulen, i cili fajësohet për përpjekjen për grushtshtet në Turqi, më 15 korrik.
