Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes së Shqipërisë, Niko Peleshi, gjatë qëndrimit të tij, në Shkodër, ka deklaruar se Shqipëria është një vend i sigurt si shtet anëtar i NATO-s, por pavarësisht nga kjo Forcat e Armatosura duhet të jenë kurdoherë vigjilente dhe në gatishmëri të plotë. Jemi në moment të rëndësishëm sepse siguria është prioritet për shkak të konflikteve që po zgjerohen në mbarë botën. Ne jemi në një rajon të brishtë, në Rajonin e Ballkanit Perëndimor. Por është fati i mirë që jemi anëtarë të NATO-s. Megjithatë konfliktet e fjetura të rajonit tonë delikat, janë të lidhura me situatën e sigurisë në botë. Ne përgatitemi për më të keqen dhe shpresojmë për më të mirën, tha Niko Peleshi. Ju i keni ndjekur ngjarjet, s’ka ndonjë sekret, dy janë pikat e nxehta në Ballkan, veriu i Kosovës dhe Bosnja e Hercegovina. Gjatë një aktiviteti për rekrutimin e të rinjve në Shkodër, Ministri i Mbrojtjes, Niko Peleshi, foli edhe për interesimin e të rinjve, që të bëhen pjesë e Ushtrisë së Shqipërisë.
