NIS ASFALTIMI I SEGMENTIT TË KATËRT TË RRUGËS PRISHTINË – PODUJEVË

03/10/2018 Institucionet

Ministri i Infrastrukturës Pal Lekaj, me bashkëpunëtor,  i shoqëruar nga drejtori i Urbanizmit të Podujevës, Hamdi Jaha, të mërkurën vizitoi fillimin e asfaltimit të segmenti i katërt të zgjerimit të rrugës Rajonale, Prishtinë – Podujevë. Ky segment ka gjatësi prej 1.4 kilometra. Projekti po zhvillohet sipas dinamikës së paraparë si pjesë e investimeve të Ministrisë së Infrastrukturës për modernizimin e infrastrukturës rrugore në vend. Në prononcim për media, ministri Lekaj deklaroi se kjo rrugë ka ndikim pozitiv në zhvillimin e kësaj ane, duke lehtësuar qarkullimin e lirë të mallrave dhe qytetarëve të Podujevës, por edhe tërë Kosovës. Ministri Lekaj ka kërkuar që pa e humbur cilësinë dhe dinamikën e punimeve, ky segment të përfundojë brenda këtij muaji. Ndërkaq drejtori i Urbanizmit të Podujevës, e ka falënderuar ministrin Lekaj dhe Ministrinë e Infrastrukturës, për vendosmërinë e treguar në realizimin e këtij projekti me rëndësi për Podujevën dhe qytetarët e saj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara