Nis ndërtimi i Qendrës Rinore në Vushtrri

28/09/2016 Institucionet

Vushtrria do të bëhet me Qendër Rinore. Gurthemeli i saj u vendos të mërkurën nga Ministri i Kulturës, Rinisë dhe Sportit, Kujtim Shala, dhe Kryetari i Komunës së Vushtrrisë Bajram Mulaku.

Projekti i Qendrës Rinore në Vushtrri është investim i tërësishëm i MKRS-së me një vlerë rreth 275 mijë euro, dhe i cili do të ketë një infrastrukturë moderne.

Ministri Shala u shpreh se ky projekt kapital është në vazhdën e investimeve që po bën MKRS-ja nëpër komunat e Kosovës në fushën e rinisë. Qendra të rinisë, këtë vit, janë duke u ndërtuar edhe në Pejë e Lipjan. Kjo qendër do të jetë një hapësirë e rëndësishme për të rinjtë e Vushtrrisë, ku ata do të zhvillojnë takimet dhe aktivitetet e tyre, tha ministri.

Ndërkaq, kryetari i Komunës së Vushtrrisë, Bajram Mulaku, për projektin e Qendrës Rinore, e falënderoi ministri Shala, për përkrahjen që MKRS-ja po tregon, jo vetëm në këtë projekt por edhe bashkëpunimin e vazhdueshëm që ministria ka me Komunën, e që janë në dobi të qytetarëve të Komunës së Vushtrrisë. Ai theksoi se ky projekt është i mirëseardhur për të rinjtë vushtrrias ngase do të krijohet një mjedis me shumë funksione në shërbim për ta.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara