Nis vendosja e tabelave me emërtimet e rrugëve

19/10/2016 Institucionet

Ka filluar vendosja e tabelave me emërtimet e rrugëve, në të gjitha vendbanimet e Komunës së Malishevës, ndërsa i tërë procesi, varësisht prej kushteve atmosferike, planifikohet të përfundoj brenda dhjetë ditëve. Fillimin e realizimit të këtij projekti, e ka parë nga afër edhe i pari i Malishevës, Ragip Begaj, i cili e ka quajtur “një projekt me rëndësi të madhe, pasi nga tani do të jetë më i lehtë orientimi i qytetarëve dhe kryerja shërbimeve tjera, qoftë komunale, postare, ashtu edhe i shërbimeve elektronike”.

“Kjo është shumë e rëndësishme, pasi qytetari ka një adresë, ka një emërtim të rrugës së tij dhe çdo gjë është më e lehtë, për të gjitha shërbimet komunale, pastaj postare por edhe shërbimet elektronike, sepse i kanë të saktësuara adresat e tyre”, ka thënë Begaj.

Ndërsa drejtori i urbanizimit, Ahmet Morina, ka bërë të ditur se ky projekt do të përfundoj brenda dhjetë ditëve, varësisht nga kushtet atmosferike, pasi shtyllat janë vendosur paraprakisht, e tani bëhet vendosja e tabelave me emrat e rrugëve. Morina, gjithashtu ka bërë të ditur, se cilësia e shtyllave dhe tabelave, është me standarde evropiane.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara