Nisin punimet në realizimin e projektit “Shtigjet e Ecjes” në qytetin e Rahovecit

03/08/2018 Institucionet

Gjatë ditës së premte, kanë nisur punimet në realizimin e njërit ndër projektet me më interes për qytetarët e Komunës së Rahovecit “Shtigjet e Ecjes”. Në fillimin e punimeve i pranishëm ishte Kryetari i Komunës, Smajl Latifi, i shoqëruar nga bashkëpunëtorët e tij. Pas fillimit të punimeve Kryetari Latifi tha se sot po nisin punimet në realizimin e një projekti “Shtigjet e Ecjes”, projekt ky shumë i rëndësishëm dhe në vendin e veçantë pra nën “Majën e Shkodranit. Kjo pjesë e qytetit me përfundimin e punimeve të këtij projekti do të jetë zonë turistike pasi që edhe i plotëson kushtet që të jetë e tillë. Kryetari ka kërkuar nga pune kryesi që punët ti kryejnë me cilësi të lartë dhe sipas kontratës së nënshkruar. Kurse përgjegjësit e firmës e cila ka marrë projektin për të ndërtuar “Shtigjet e Ecjes”, i ka premtuar Kryetarit Latifi, se përfundimi i punimeve në këtë projekt do të jetë para afatit të cilin është paraparë në kontratë. Në kuadër të projektit, është paraparë të ketë parking në fillimit shtegut dhe shtëpize nga druri për informim, këndin për lodra për fëmijë tek vendi i quajtur “Maja e Shkodranit”, ndriçim solar, pushimore, wc  publike, drunj dekorativ dhe dy teleskopë. Projekti ka një gjatësi prej 1 kilometër e 500 metra, dhe që financohet nga Ministria e Zhvillimit Rajonal  me 125 mijë euro, kurse Komuna e Rahovecit do të participon me 10 mijë e 500 euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara