Sot kanë filluar punimet në projektin e radhës për urbanizimin edhe më tej të qytetit të Malishevës, atë të ndërtimit, trajtimit dhe pastrimit të shtratit të lumit Mirusha nga ura e madhe në qendër të qytetit deri te ura e transitit.
Ky projekt po bëhet përmes Grantit të Performancës, ku Komuna e jonë është përfituese në mesin e pak komunave në nivel vendi, skemë kjo e financimit që përkrahet nga projekti DEMOS në bashkëpunim me Ministrinë e Administratës së Pushtetit Lokal (MAPL).
Vazhdojmë tutje për Malishevën Urbane, ka shkruar në rrjetin e tij socilal, Facebook, Kryetari i Komunës së Malishevës, z. Ekrem Kastrati.