Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një letër e nënshkruar nga 56 deputetë nga Evropa dhe SHBA i është dërguar Brukselit, Washingtonit dhe Londrës me kërkesën për një politikë balancuese ndaj Kosovës dhe Serbisë. Në letër këto fuqi kritikohen për anim kah Beogradi. Bashkimi Europian ka konfirmuar se ka pranuar letrën, por thotë se nuk e komentojnë korrespodencën e Borrellit. Si rregull i përgjithshëm, ne nuk komentojmë në publik korrespondencën e marrë nga Përfaqësuesi i Lartë nga bashkëbisedues të ndryshëm. Nëse aktorët përkatës i shkruajnë Përfaqësuesit të Lartë, ai përgjigjet përmes kanaleve përkatëse. Këtë letër të veçantë nga 56 deputetë nga disa shtete anëtare të BE-së dhe disa vende të tjera, mund të konfirmojmë se Përfaqësuesi i Lartë sapo e ka marrë ka thënë zëdhënësi i BE-së, Peter Stano, duke shtuar se politika e jashtme e BE-së është unanime dhe se Unioni numëron mijëra parlamentarë. BE-ja ka 27 shtete anëtare me 27 parlamente dhe mijëra parlamentarë. Politika e jashtme dhe qasjet e BE-së ndaj partnerëve janë formuar nga 27 shtete anëtare të përfaqësuara nga qeveritë e tyre, në unanimitet. BE-ja është një ndërmjetësues neutral në dialogun për normalizimin e marrëdhënieve ndërmjet Kosovës dhe Serbisë, saktësoi Peter Stano për Ekspres.
