Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një muaj pas sulmit në kanalin e Ibër-Lepencit, në një njërën nga infrastrukturat më vitale të Kosovës, janë arrestuar Jovan dhe Dragisha Viqentijeviq, të cilët po mbahen në paraburgim si të dyshuar për përfshirje në këtë sulm. Prokuroria ka ngritur akuza për cenim të rendit kushtetues, mbajtje të armëve dhe kryerjen e një akti terrorist. Ambasadori amerikan në Serbi, Christopher Hill, ka thënë se nuk ka prova që e lidhin këtë sulm me Beogradin zyrtar. Ambasadori amerikan në Kosovë, Jeffrey Hovenier, konfirmoi përfshirjen e FBI-së në hetime dhe dënoi ashpër sulmin. Emisari amerikan për Ballkanin Perëndimor, Aleksandar Kasanof, theksoi se aktet e tilla synojnë destabilizimin e rajonit. Kurti, pretendon se Milan Radojçiqi, me të cilin ka bashkëpunuar përmes Mimoza Kusarit disa vite në parë, është urdhërdhënës i sulmit, duke theksuar se ka të dhëna nga AKI-ja që lidhen me këtë rast. Përfshirja e Radojçiqit dhe elementeve të shërbimeve serbe është e dokumentuar, përfshirë komunikime të koduara që lidhen me rastin. Kurti paralajmëroi se mund të priten sulme të reja, sidomos në prag dhe pas festave të fund-vitit.
