Një rrugë në Çarshinë e Vjetër të Shkupit, në Maqedoninë e Veriut është emërtuar me emrin e politologut Ukshin Hoti  

20/05/2022 Institucionet

Në 23-vjetorin e rrëmbimit të tribunit popullor, dijetarit dhe politologut të madh, Ukshin Hoti, një rrugë me emrin e tij është emërtuar në Çarshinë e Vjetër të Shkupit, në Maqedoninë e Veriut. Ky është një lajm jashtëzakonisht i mirë sepse emri i Ukshinit nga Krusha e Madhe po zë vendin meritor kudo në hapësirat shqiptare. Kryetari i komunës së Rahovecit Smajl Latifi ka thënë se: Ukshin Hoti është figurë e përmasave kombëtare e më gjerë, jo vetëm për shkak të mendimeve të tij që ndriçojnë rrugën tonë drejt përparimit, por edhe sepse ai e donte me një pasion të veçantë kombin dhe popullin e tij të shtypur nga pushtuesit e egër. Ukshin Hoti është i të gjithë shqiptarëve, trashëgimia e tij vepruese dhe intelektuale, i përkushtohet plotësisht lirisë, barazisë dhe mirëqenies së kombit që ai i përket me krenari. Është në interes të historisë sonë kombëtare, që figurat e larta si e Ukshin Hotit, t’i institucionalizojmë sa më shumë, në mënyrë që emri dhe sakrifica e tyre mos të harrohet, por të mbrohet e të bëhet pjesë e përditshmërisë sonë. Si kryetar i Rahovecit, shpreh mirënjohjen time për të gjithë shqiptarët e Maqedonisë së Veriut që dhanë kontribut për emërtimin e kësaj rruge, duke u nisur nga kryetari i BDI-së Ali Ahmeti, kryetari i Komunës së Çairit Visar Ganiu, Instituti për Trashëgimi Shpirtërore dhe Kulturore të Shqiptarëve, Drejtori i Arkiviit të Kosovës, bashkëvendësi im punëtor e i respektuar, Bedri Zyberaj, si dhe zyrtarë të tjerë shqiptarë në institucionet e Maqedonisë së Veriut. Duke nderuar figurën përndritëse të Ukshin Hotit, ju të dashur bashkëkombës, nderuat të gjithë kombin shqiptar. Faleminderit!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara