Njësia e Zjarrfikësve në Mitrovicë pranoi uniforma për sezonin e verës

22/06/2016 Institucionet

Njësia Profesionale e Zjarrfikësve në Mitrovicë, ka pranuar komplet uniforma të reja për sezon të verës dhe bateri ndriçuese,  mbështetur nga Komuna e Mitrovicës.

Nënkryetari i komunës, Safet Kamberi i cili  uroi zjarrfikësit për punën që bëjnë në shërbim të qytetarëve në përgjithësi, dhe përcolli mesazhin se mbështetja e komunës së Mitrovicës për zjarrfikësit nuk do të mungojë.

“Në qytetin tonë jemi shumë të përgatitur me ekipin e zjarrfikësve, djemtë tanë janë shumë të përgatitur për t’iu dalë në ndihmë qytetarëve. Intervenimet nga ana e zjarrfikësve janë në kohë dhe me shpejtësi të madhe marrin pjesë aty ku e lyp nevoja në bazë të kërkesave të qytetarëve” shtoi ndër të tjera nënkryetari Kamberi.

Drejtori i Drejtorisë për Mbrojtje dhe Shpëtim, Musa Dragaj, tha se, komuna është e zotuar që t’u përkrahë në përmirësime kushteve të punës duke ditur për rëndësinë që ka  ky institucion e sidomos  gjatë sezonit veror kur zjarret janë më të shprehura si pasoj e temperaturave të larta që mbizotërojnë në vendin tonë.

Edhe shefi i Njësisë së Zjarrfikësve, Tahir Mikullovci, falënderoi nënkryetarin Kamberi dhe komunën për mbështetjen e madhe që u japin si njësit.

“Falënderojmë  komunën e Mitrovicës për përkrahjen si financiare dhe morale ndaj njësisë tonë  për  kryerjen e  detyrës  në shërbim të qytetarëve” ka thënë  Mikullovci.

Kontrolloni gjithashtu

Arnitë Kastrati, fituese e “Çmimit të Orkestrës” në edicionin e dytë të Festivalit të Këngës të RTK-së

Kryetari i Komunës së Malishevës Ekrem Kastrati bashkë me Drejtoreshën komunale të Arsimit, znj. Arbëreshë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara