Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Oda e Afarizmit të Kosovës është shumë e shqetësuar nga deklarata e Kryetarit të BSPK-së i cili kërkon që pushimi i lehonisë të paguhet 6 muaj nga punëdhënësi me 70% të pagës bazë, 3 muaj nga Qeveria 100% dhe 3 muaj pa pagesë ashtu siç është tani.
OAK kërkon nga BSPK – Bashkimi i Sindikatave të Pavarura të Kosovës dhe gjithë faktorët e tjerë që të përkrahin propozimin që Qeveria të marrë përsipër 100% pagesën e lehonisë ashtu siç e kanë marrë të gjitha shtetet e rajonit, që do të ndikoj në rritjen e punësimit të femrave.
Statistikat shumë shqetësuese të cilat OAK ka siguruar, tregojnë një shkallë shumë të ulët të punësimit të gjinisë femërore, me vetëm 12% (nga 600.000 femra në moshë pune vetëm 70.000 janë të punësuara) në krahasim me 48% të meshkujve dhe kjo shkallë e ulët e papunësisë vjen si pasojë e ligjeve të papërshtatshme që kemi.
Oda e Afarizmit të Kosovës kohë më parë ka marrë iniciativën për ndryshim të Ligjit të Punës konkretisht për Pushimin e Lehonisë që të mbulohet 100% nga shteti, ashtu siç e kanë edhe shumë vende të rajonit dhe Evropës, e cila ndikon në rritjen e punësimit të femrave.
OAK për këtë çëshjte ka realizuar takime me zyrtarët qeveritar duke filluar nga Kryeministri i Republikës së Kosovës Ramush Haradinaj, Kryetarin e Kuvendit të Republikës së Kosovës Kadri Veseli, zëvendëskryeministrin Fatmir Limaj, Ministrin e Ministrisë së Financave. Bedri Hamza, Ministrin e Ministrisë së Punës dhe Mirëqenies Sociale Skënder Reçica, Ministrin e Ministrisë së Zhvillimit Ekonomik Valdrin Lluka dhe me BSPK – Bashkimi i Sindikatave të Pavarura të Kosovës, të cilët kanë premtuar mbështetje në këtë drejtim.
