Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Oda Ekonomike Amerikane në Kosovë ka shprehur shqetësimin për sulmet verbale ndaj ndërmarrjeve private të Kosovës, të cilat kanë vazhduar edhe ditët e fundit. Ajo theksoi rëndësinë e këtyre ndërmarrjeve për zhvillimin ekonomik të vendit, duke kujtuar se ato kanë bartur barrën e punësimit dhe rritjes ekonomike për vite me radhë. Oda kërkoi që politizimi dhe sulmet ndaj këtyre bizneseve për qëllime politike duhet të ndalen, pasi ato dëmtojnë reputacionin dhe përkeqësojnë klimën e investimeve në vend. Oda gjithashtu theksoi se ndërmarrjet private janë promovuesit kryesorë të potencialeve ekonomike të Kosovës, përfshirë tërheqjen e investimeve të huaja direkte. Oda Ekonomike Amerikane paralajmëroi se, nëse partitë politike dhe institucionet shtetërore nuk mund të ofrojnë mbështetje për zhvillimin e këtyre ndërmarrjeve, atëherë duhet të shmangin përfshirjen e tyre në diskursin politik.
