Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Odës Ekonomike të Kosovës, Lulzim Rafuna, thekson se masat e vendosura nga BE-së, ndaj Kosovës në qershor të vitit të kaluar, kanë pasur një ndikim të ndjeshëm negativ në ekonominë e vendit. këto masa kanë bllokuar rreth 300 milionë euro që do të shfrytëzoheshin për projekte kapitale. Ai ka kritikuar Qeverinë e Kosovës për mungesën e prioritetit në ekonomi dhe ka bërë thirrje për bashkëpunim të ngushtë me partnerët ndërkombëtarë për të siguruar heqjen e këtyre masave dhe për të parandaluar vendosjen e sanksioneve të reja të paralajmëruara nga BE-ja. Rafuna ka shprehur shqetësimin se këto masa janë dëmtuese për ekonominë dhe mirëqenien e qytetarëve, duke theksuar se zbatimi i projekteve kapitale të bllokuara do të kishte përmirësuar ndjeshëm standardin e jetesës në Kosovë. Rafuna i ka bërë thirrje Qeverisë që të sigurojë një klimë të favorshme për bizneset dhe të vendosë ekonominë në qendër të politikave të saj.
