Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
OKB-ja ka akuzuar Francën për racizëm dhe dhunë kundrejt protestuesve nga policia. Disa vende kanë shprehur shqetësimin e tyre, sidomos me rastin e protestave masive të ditës ndërkombëtare të punonjësve. Ata kanë deklaruar se Franca duhet të marrë masa për të adresuar në mënyrë transparente akuzat në lidhje me përdorimin e tepruar të forcës nga policia dhe xhandarmëria kundër protestuesve gjatë demonstrative. Ne rekomandojmë që Franca, të zgjerojë përpjekjet për të luftuar krimet dhe kërcënimet e dhunës të motivuara nga urrejtja fetare si urrejtja anti-myslimane, duke përfshirë rastet e vandalizmit, ngacmimeve dhe sulmeve”, tha Kelly Billingsley -Përfaqësuese e SHBA-së në Këshillin e OKB-së për të Drejtat e Njeriut. “Ne dëshirojmë t’i rekomandojmë Francës që, të vazhdojë të sigurojë që çdo masë e jashtëzakonshme t’i nënshtrohet një rregulli të rishikimit dhe mbikëqyrjes gjyqësore, dhe se ato nuk bëhen masa ligjore të përhershme. Gjithashtu vazhdoni të rishikoni politikat dhe metodat e agjencive përmbarimore për të siguruar masa mbrojtëse kundër përdorimit të forcës gjatë demonstratave dhe të politikave diskriminuese”, u shpreh Iva Gavrilova – Përfaqësuesja e Republikës Çeke në Këshillin e OKB-së për të Drejtat e Njeriut. Gjatë konferencës këtë të hënë, disa vende, duke përfshirë Shtetet e Bashkuara dhe Kinën, i bënë thirrje Francës që të bëjë më shumë për të luftuar diskriminimin racor dhe fetar. Për të njëjtën gjë u akuzuan edhe Danimarka, Lihtenshtajni dhe Norvegjia. Por në listën e të akuzuarve nuk munguan as Rusia, Venezuela dhe Irani, tre vendet që vetë përballen rregullisht me akuza për dhunë policore e shkelje të tjera të të drejtave të njeriut. (Top Channel)
