Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një takim të organizuar nga ambasadat e Francës, Gjermanisë, Italisë, Britanisë së Madhe dhe Bashkimit Evropian në Kosovë, u përkujtua trevjetori i nisjes së pushtimit të Ukrainës nga Rusia. Ambasadori i Francës në Kosovë, Olivje Guerot, theksoi rëndësinë e mbështetjes së vazhdueshme për Ukrainën, duke paralajmëruar se paqja e qëndrueshme kërkon garanci të forta sigurie. Ai bëri thirrje për rritjen e kapaciteteve mbrojtëse në Evropë dhe përfshirjen e drejtpërdrejtë të Ukrainës dhe vendeve evropiane në çdo diskutim për paqen. Duke u ndalur te raportet Kosovë-Serbi, Guerot u bëri thirrje të dyja palëve që të kthehen në dialogun e ndërmjetësuar nga BE-ja dhe të zbatojnë Marrëveshjen për Normalizimin e Marrëdhënieve. “Situata në Kosovë nuk mund të shkëputet nga siguria e përgjithshme e kontinentit. Prandaj, ftoj Kosovën që të prioritizojë koordinimin dhe dialogun për hir të stabilitetit të tyre dhe të gjithë Evropës,” theksoi ambasadori Guero.
