Ambasadori i Francës në Kosovë, Olivier Guerot, ka theksuar se themelet e dialogut ndërmjet Kosovës dhe Serbisë do të mbeten të pandryshuara, pavarësisht ndryshimeve të mundshme pas zgjedhjeve në BE. Ai ka vënë në dukje se marrëveshja bazë e shkurtit të vitit 2023 është themeli i dialogut dhe se të dyja palët duhet të përmbushin obligimet. Një nga detyrimet kryesore për Kosovën, sipas Guerot, është formimi i Asociacionit, që është në përputhje me Kushtetutën e Kosovës. Ambasadori ka kërkuar hapa të mëtejshëm nga Qeveria e Kosovës, duke përfshirë dërgimin e projekt-statutit në Gjykatën Kushtetuese, për të përmirësuar të ardhmen e rajonit.
![](https://www.radiokosovaelire.com/wp-content/uploads/olivier-guerot-600x360-1-600x330.jpg)