Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pavarësisht retorikës së tejshprehur për unitetin brenda tri partive politike të opozitës, sulmi brutal i Policisë së Kosovës, i drejtuar ekskluzivisht vetëm kundër aktivistëve e zyrtarëve të lartë të Lëvizjes Vetëvendosje, zbeh deklaratat e opozitës për bashkim, dhe unitet. Derisa aktivistët e këtyre partive nuk i bashkohen në protesta as në kundërshtime aktivistëve të Vetëvendosjes, bindja se opozita është unike nuk qëndron, sepse të vetmit që po tërhiqen zvarrë na policia, po rrahen, po arrestohen e po gjakosen brutalisht janë aktivistët e Vetëvendosjes dhe jo ata të AAK-së apo Nismës. Mungesa e solidarësisë dhe bashkëveprimeve unike nuk mund të fshihet me deklarata politike. Është e vërtetë se opozita ka protestuar qetë, por ka pasur sa e sa indikacione se pas protestës, policia e Isa Mustafës e Hashim Thaçit, mllefin do ta derdhin mbi aktivistët e Vetëvendosjes. Mungesa e veprimit dhe kundërshtimit unik në raste të tilla tregon mungesë gatishmërie për një vendosshmëri të qëndrueshme, pa kthim prapa të opozitës së bashkuar. (RKL)
