Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë opozitare dhe shoqëria civile i konsiderojnë manovra politike dhe të vonshme deklaratat e zyrtarëve, të cilët thonë se qeveria do të hartojë vetë një draft-statut të Asociacionit të komunave me shumicë serbe. Sipas tyre, qasja e Qeverisë në dialog është në dëm të forcimit të subjektivitetit dhe përfundimit të procesit të dialogut. Deputeti i LDK-së , Armend Zemaj, thotë për KosovaPress se qëndrimet e tilla të pushtetit nuk janë serioze dhe se po bëhen vetëm për fushatë elektorale. Deputetja së AAK-së, Time Kadrijaj, ka deklaruar se Qeveria-Kurti përmes manovrave politike po bën përpjekje t’i ikë dërgimit në kushtetuese të draft-statutit të Asociacionit, të propozuar nga euro-amerikanët. Ajo thekson se përveç kësaj deklaratat e pushtetarëve se Kosova do të hartojë draftin e vet për Asociacionin janë të vonshme, pasi Kurti e ka pranuar të njëjtin në kuadër të marrëveshjes së Brukselit dhe Ohrit. Madje, Glauk Konjufca, ka thënë se Bashkimi Evropian nuk ka kompetencë t’i propozojë Kosovës draft-statut për themelimin e Asociacionit, pasi, sipas tij, Qeveria në momentin e duhur do të propozojë draftin e vet për themelimin e Asociacionit.
