leoni

Organizata EULOC- Viti, vazhdon punën në procesin e buxhetimit gjinor ne Viti tregon edhe për punën e tyre në këtë drejtim

22/09/2021 Institucionet

Organizuar nga organizata për reforma lokale EULOC në Viti, sot është bërë prezantimi i Raportit të monitorimit me rekomandime ku dhe është diskutuar për format dhe mundësitë e zbatimit sa më të drejtë të buxhetimit gjinore në komunën e Vitisë. Sipas Florim Brahimit nga Organizata EULOC në Viti, kjo punë është bërë në kuadër të projektit ” Monitorimi dhe mentorimi i zbatimit të drejtë të politikave gjinore në komunën e Vitisë” e cila ka pasur edhe mbështetjen e kryetarit të komunës së Vitisë, Sokol Haliti. Ai potencoi se ky takim është financuar nga ADA dhe SIDA përmes Gender Budget Watchdog Network. Ai ka kërkuar nga pjesëmarrësit që të japin kontributin e tyre në këtë drejtim pasi që ata janë të interesuar të punojnë në fushën buxhetimit gjinore. Disa nga këto rekomandime nga ky prezantim, ishin që këto rezultate të shqyrtohen dhe analizohen nga kryetari i komunës e zyra për barazi gjinore ti përcjellin tek bordi i drejtorëve. Të inkurajohet rritja e numrit të grave në sektorin e financave ku aktualisht janë të punësuara vetëm 11.5%. Rekomandohet që edhe strategjia e dëgjimeve buxhetore dhe publike të ndërrojë në kohë dhe formë, kështu që ato të organizohen ne muajt maj e qershor. Të rritet niveli i përfaqësimit të gruas në sektorin e kadastrit, të bujqësisë dhe sektorë të tjerë, di staf me masa afirmative. Ndërkaq në këtë takim pjesëmarrësit dhanë mendimet dhe sugjerimet e tyre se si mund të ndikojnë në këtë drejtim. Përndryshe ky takim është mbështetur nga Rrjeti i Grave të Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara