Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Misioni i OSBE-së në Kosovë ka shprehur kundërshtim për mos certifikimin e Listës Serbe, partisë më të madhe të serbëve në Kosovë, për zgjedhjet parlamentare të planifikuara që të mbahen më 9 shkurt. Në një deklaratë, OSBE-ja vlerësoi rëndësinë e Komisionit Qendror të Zgjedhjeve, në garantimin e demokracisë dhe lirive politike, duke theksuar se procesi i certifikimit duhet të jetë i lirë nga ndërhyrjet politike. Misioni i bëri thirrje KQZ-së të ruajë integritetin e procesit zgjedhor dhe të sigurojë përfshirje të plotë sipas standardeve demokratike. Vendimi i KQZ-së, për të mos certifikuar Listën Serbe erdhi pas akuzave të përfaqësuesve të Lëvizjes Vetëvendosje, të cilët deklaruan se kjo parti nuk njeh shtetin e Kosovës. Për certifikimin e Listës Serbe votoi vetëm kryetari i KQZ-së, Kreshnik Radoniqi, ndërsa, Sami Kurteshi dhe Alban Krasniqi, votuan kundër, dhe anëtarët e tjerë abstenuan. Ndërkohë, Amerika ka bërë thirrje që çdo subjekt i pakënaqur me vendimet e KQZ-së t’i drejtohet mekanizmave adekuatë, si PZAP, për të siguruar një zgjidhje të drejtë dhe transparente.
