Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, në konferencën për çështjen e korrupsionit ka theksuar se nuk duhen krijuar iluzione me punën e SPAK dhe organeve të tjera të reja të Drejtësia. “Më vjen mirë që këtu flasim për korrupsionin bazuar në fakte. Në fakte të nxjerra në pah në mënyrë krejt të pavarur nga një organizatë e mirënjohur për integritetin për identifikimin e korrupsionit në të gjitha shtetet dhe vlerësimin e situatës. Padiskutuar që lufta ndaj korrupsionit është në thelb luftë për modernizimin e shtetit. Është alternativa e shtetit kur ai mungon në shërbim ndaj qytetarëve, kur është i padisponueshëm për të dhënë atë që secilit i takon. Dhe kur shteti është i pafuqishëm për të vendosur interesin publik mbi interesa të ndryshme private. Dallimi mes vendeve të zhvilluara dhe vendeve në zhvillim në aspektin e korrupsionit, s’është dallim mes popujve, gjenetik, por është dallim sistemi. Vendet e zhvilluara s’janë imune ndaj vendeve të korrupsionit.
