Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendëskryeministri i Kosovës, njëherësh ministri i Punëve të Jashtme, Behxhet Pacolli me anë të një postimi në rrjetin social ka thënë së Kosova do të marrë pjesë në Samitin BE-Ballkani Perëndimor në Sofje por që u ka bërë të ditur shteteve të BE-së sidomos atyre që nuk e kanë njohur pavarësinë e Kosovës së nuk do të lejohet minimi apo përjashtimi i simboleve shtetërore të Kosovës.
“Kosova sikurse të gjitha vendet e tjera të rajonit do të marrë pjesë në Samitin BE-Ballkani Perëndimor në Sofje, në muajin Maj, ku pritet tê mbështetet nga të gjithë krerët e shteteve dhe qeverive të BE-së perspektiva e qartë dhe konkrete e zgjerimit, për të gjitha vendet e rajonit, duke përfshire Kosovën. Çdo tentim për të minuar prezencën e Kosovës në samit apo përjashtuar simbolet tona shtetërore, paraqet mungesë të vizionit dhe qartësisë për rajonin. Në kohën kur ndikimi rus është shtuar në rajon, është bërë mese i nevojshëm unifikimi i BE-së karshi rajonit tonë. Çdo tendencë tjetër për të mos pasur unifikim të politikes evropiane karshi Kosovës, e dobëson BE-në në rajon dhe minon perspektivën e evropianizimit te Ballkanit Perëndimor. Kosova do të marrë pjese sikurse të gjitha shtetet tjera në samitin e Sofjes dhe nuk bëjmë kompromise këtu! Ua kam thënë homologëve të mi evropian disa herë se mos-njohja nga 5 vendet e BE-së, jo vetëm që po e ngadalëson ecjen e Kosovës drejt integrimit evropian, por po e ndanë BE-në në rajon dhe po e bënë akter të dobët karshi akterëve të tretë që po tentojnë të depërtojnë tek ne”, ka shkruar Pacolli.
