Deputeti i Partisë Socialiste dhe ish kryeministri i Shqipërisë, Pandeli Majko, ka theksuar në fjalimin e tij në Kuvend së ai nuk do të votojë reformën në drejtësi në rast se shkelet sovraniteti i vendit. Majko deklaroi se “nëse do të këtë një pikë që prek sovranitetin e Shqipërisë unë nuk rri më një minutë deputet në këtë Parlament. Kam përshtypjen, si disa të tjerë kam dhënë prova se di të mbroj sovranitetin e Shqipërisë. Ajo që po bëjmë është të bëjmë një reformë që do të qërojë ata gjyqtarë dhe prokurorë që u nxijnë faqen gjyqtarëve dhe prokurorëve që punojnë në Shqipëri. Nëse ndërkombëtarët do të vendosin gjyqtarët dhe prokurorët unë nuk qëndroj më deputet”, tha Majko.
![Pandeli Majko](https://www.radiokosovaelire.com/wp-content/uploads/pandelimajko-660x330.jpg)