Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Para trupit gjykues të Gjykatës Speciale, në Hagë, ka filluar paraqitjen, dëshmitari i 111-të i Zyrës ë Prokurorit, eksperti i mjekësisë ligjore, William Gudwin në procesin gjyqësor kundër, Hashim Thaçit, Kadri Veselit, Rexhep Selimit dhe Jakup Krasniqit. Dëshmitari pohoi se ka përgatitur një raport më 22 shtator të vitit 2021 dhe sipas tij, ky raport përfshinë opinionin e tij të pavarur në pyetjet që ia parashtroi Prokuroria në letrën udhëzuese së bashku me dokumentet përkatëse që e kishte marrë më 30 korrik 2021. Sipas prokurorit, Xhejms Pejs, ky është një raport i ADN-së për një person të cilit nuk iu tha emri në seancë të hapur. Si rrjedhojë, prokurori lexoi një pjesë të raportit të këtij dëshmitari. Në raportin tuaj thuhet se profili i ADN-së është i kriptuar që kufizon mundësinë për rishikim të plotë. Megjithatë, bazuar në pjesëtarët e familjes që janë të disponueshem dhe leukocitet që përputhen, gjasat e përputhjes dhe probabiliteti i identitetit duken të arsyeshme”, tha prokurori. Për këtë gjë, dëshmitari tha se nuk ka asgjë për të ndryshuar në këtë pjesë.
