Kryetari i Mitrovicës Agim Bahtiri, mbajti debat publik për vitin 2016

30/06/2016 Institucionet

Kryetari i Mitrovicës, Agim Bahtiri, ka mbajtur një tubim publik për vitin 2016, ku u prezantua raporti i punës së ekzekutivit në gjashtëmujorin e parë të këtij viti.

Ai foli edhe për sigurinë në Mitrovicë, duke thënë se, bazuar në raportin e fundit, Mitrovica është qyteti më stabil dhe më i pa korruptuar në Kosovë.

Bahtiri, po ashtu foli edhe për kufijtë administrativ, ku u shpreh edhe kësaj  here i bindur se kufijtë administrativ nuk do të lëvizin.

“Ju e dini që prej ardhjes sime jam munduar në mënyrë maksimale të bëjë çdo gjë për secilin pavarësisht nacionalitetit.

Përpjekjet  për stabilizimin e gjendjes kanë qenë shumë të mundimshme, mirëpo sot ne mund të krenohemi, sepse situata është më ndryshe se që ka qenë më parë. Tani qetësia është absolute dhe kjo është arritur duke i falënderuar të gjithë qytetarët që kanë mundësuar këtë. Mirëpo, me procesin që është duke shkuar për çështjen e zhbllokimit të urës, nuk jam shumë i kënaqur,  sepse ai po zvarritet. Dua të ju premtoj juve se  do të bëjë të pamundurën që sa më shpejt kjo çështje të zgjidhet dhe që qytetarët e jugut dhe të veriut, të lëvizin lirshëm në Mitrovicën e bashkuar”, u shpreh ndër të tjerash kryetari Bahtiri.

Qytetarët që morën pjesë në këtë debat diskutuan dhe shtruan pyetje të ndryshme për kryetarin Bahtiri. Njëra ndër diskutimet ishte  edhe çështja e shtatores së Car Llazarit, ku qytetarët u shprehën të pakënaqur me institucionet qendrore, të cilat nuk i kanë marrë masat e nevojshme për të parandaluar një veprim të këtillë.

Po ashtu, qytetarët thanë se këto ecuri negative janë pasojë edhe e keq qeverisjes së mëhershme në komunën e Mitrovicës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara