Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Socialdemokrate, Dardan Molliqaj, duke folur për protestën e sotme ka thënë se një javë pas marrëveshjes së Ohrit, ajo që mund të konstatohet është se ka një marrëveshje, pa mbështetje politike, pa legjitimitet e me shumë kundërshtim popullor. Ajo që tashmë dihet është se nga kjo marrëveshje s’do të ketë njohje nga pesë vendet anëtare të BE-së që s’e njohin Kosovën, s’ka premtim ndërkombëtar në NATO, s’ka njohje nga Serbia e ka veç obligime për Kosovën. Ajo që mund të shihet është që qytetarët, partitë politike, opinionistët janë kundër kësaj marrëveshjeje. Në muajin mars, nga matjet e opinionit publik, mbi 75 për qind e qytetarëve janë kundër këtyre marrëveshjeve, e në veçanti qendrës së saj, asociacionit. Molliqaj i ka bërë thirrje qeverisë që të rilegjitmohet, duke kërkuar zgjedhje të reja për shkak të zhvillimeve në dialog. “Kosova me këtë marrëveshje do të ketë Asociacion. Rreziku i saj është që do të ketë autonomi për veriun, prandaj besojmë që është jashtëzakonisht jetike që kjo qeveri të ndalet në këtë drejtim, të detyrohet nga presioni qytetar dhe edhe një herë të rilegjitimohen forcat politike karshi zhvillimeve që kanë ndodhur”. Protestën tonë e ka mbështetur Nisma për Kosovën, e ka mbështetur OVL-të, shumë gazetarë, opinionistë, politikanë. Protesta do të nisë nga ora 14:00 në sheshin ‘Zahir Pajaziti’, ndërsa bina do të jetë e vendosur në oborrin e qeverisë. Pra, ky është skenari”, ka thënë Molliqaj.
