Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Vatra, e cila përfaqëson qytetarët e Kosovës Lindore, aktivitetin e saj do ta ushtrojë në kuadër të Nismës për Kosovën. Me bashkimin e saj, Nisma për Kosovën do të përfaqësohet në Kuvendin Komunal të Gjilanit me katër këshilltarë. Me rastin e këtij aderimi është vlerësuar se përderisa partitë e tjera po shemben, Nisma po rritet çdo ditë e më shumë. Këtë e kanë bërë të ditur në një konferencë për medie kryetari i Degës së Nismës në Gjilan njëherësh ministër i Tregtisë dhe Industrisë, Bajram Hasani dhe kryetari i Vatrës, Kushtrim Kadriu. Sot është një ditë e rëndësishme për Nismën, sepse nga sot partia Vatra e ka gjetur veten dhe aktivitetin e saj politik do ta ushtrojë nën ombrellën e Nismës. Tani kemi përgjegjësi shtesë që të jemi zë edhe më i fuqishëm në mbrojtje të interesave të qytetarëve të tri komunave shqiptare në Serbi, ka thënë Hasani.
