Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë opozitare janë shprehur të gatshme ta përkrahin Qeverinë për zbatimin e kushtetutshmërisë në tërë territorin e vendit por që ajo të bashkëpunoj me aleatët perëndimor të Kosovës. Deputeti i Partisë Demokratike të Kosovës, Hisen Berisha ka thënë se partia që ai i takon, i ka ofruar bashkëpunim Qeverisë dhe kryeministrit qoftë në seanca në Parlament por edhe në takimet tjera të ndara që t’u ofrojmë mbështetjen tonë, i kemi bërë të vazhdueshme se e mbështesim procesin e ligjshmërisë dhe kushtetutshmërisë në vend por asnjëherë në kundërshtim me partnerët ndërkombëtarë të cilët janë sponsorët e garantuesit kryesor të sigurisë dhe të vazhdimit të procesit të ndërtimit të shtetësisë në Kosovë. Edhe deputetja tjetër, Time Kadriaj, që vije nga Aleanca për Ardhmërinë e Kosovës ka thënë se i kanë ofruar përkrahje kryeministrit Kurti por se ai duhet t’i bashkërendoj aktivitetet me aleatët ndërkombëtar. “Rekomandimi jonë është që t’i bashkërendis qëndrimet dhe veprimet dhe aleatët të mos bëhen kundërshtarë të Republikës së Kosovës sepse pa ndihmën e tyre ne nuk do të kemi të ardhme e as evropiane e as anëtarësim në asnjë mekanizëm ndërkombëtarë”.
