Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë opozitare kanë kërkuar që kryeministri, Albin Kurti të raportoj në Kuvend para takimit me presidentit e Serbisë, Aleksander Vuçiq, që është paralajmëruar të realizohet me 14 shtator. Deputet nga Lidhja Demokratike e Kosovës dhe Aleanca për Ardhmërinë e Kosovës, kanë thënë se nuk presin asgjë të mirë për Kosovën nga ky takim. Ne presim që kryeministri, Albin Kurti të raportoj në Kuvend para këtij takimi, i cili nuk do të duhej të realizohej pa u zbatuar marrëveshjet paraprake. “Nga ky takim nuk pres diçka të re për arsye se të gjitha marrëveshjet që janë bërë në kohën e tij ende nuk janë zbatuar” ka thënë për Ekonomia Online, deputetja e LDK-së, Rrezarta Krasniqi. Edhe deputeti nga Aleanca për Ardhmërinë e Kosovës, Pal Lekaj ka deklaruar për këtë medium se nuk pret asnjë rezultat të mirë për Kosovën nga takimi i 14 shtatorit. “Sa i përket raportimit të kryeministrit të Kosovës dhe qeverisë në përgjithësi mendoj që jemi në një terr informativ. Asnjë herë nuk ka ardhur paraprakisht të raportojë para deputetëve në Kuvendin e Kosovës dhe kështu që e ka marrë si pronësi Kosovën të vetën dhe kjo po shkakton shumë telashe”, ka thënë mes tjerash, deputeti, Pal Lekaj.
