Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Myftiu i Kosovës, Naim Tërnava i ka dërguar telegram urimi ipeshkvit të Kosovës, Dodë Gjergjit, me rastin e festës së Krishtlindjes. Me respekt ju uroj e përgëzoj Juve, të gjithë meshtarët tuaj, si dhe besimtarët e krishterë duke ju dëshiruar shëndet, mbarësi e lumturi. Kjo festë në vete simbolizon lindjen, jetën, mbarësinë dhe mesazhin për një shoqëri të ndershme e të moralshme, parime këto humane për të cilat njerëzimi ka nevojë gjithherë”, ka thënë mes tjerash Tërnava, në telegramin e tij.
NISMA për Kosovën uron festen e Krishtlindjeve të gjithë besimtarëve të fesë së krishtere. Besojmë që me begatinë njerëzore që asnjëherë nuk na ka munguar si popull, viti 2017 të jetë frymëzues dhe frytdhënës për jetë sa më të mirë e me të gjitha kushtet që kërkon e sotmja civilizuese perëndimore. Edhe kryetari i Këshillit Kombëtar i NISMA për Kosovën, Jakup Krasniqi rastin e festës së Krishtlindjes ka uruar besimtarët katolikë për festën e tyre.
Lëvizja për Bashkim: Le të shërbejë edhe ky moment për të ringjallur dashurinë, mirëkuptimin dhe respektin për njëri tjetrin, për të unifikuar fuqinë e veprimit për të mirën e përbashkët që në vendin tonë të mbizotërojë paqja e lumturia. Gëzuar Krishtlindjet dhe dashuria e Zotit qoftë dhuratë për të gjithë ju!
