Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Programi Rajonal për Demokracinë Lokale në Ballkanin Perëndimor 2 (ReLOaD2), projekti në Kosovë, i financuar nga Bashkimi Evropian dhe zbatuar nga UNDP-i, të mërkurën ka nisur fazën e dytë të projektit ReLOaD (2021-2024) në Kosovë dhe nisjen e partneritetit në mes të UNDP-së dhe komunave të reja të përzgjedhura: Dragash, Fushë Kosovë, Mitrovicë e Jugut, Podujevë, Rahovec, Skenderaj dhe Shtërpcë. Nënshkrimi i Memorandumit të Mirëkuptimit me komunat e caktuara, konfirmojë përkushtimin e përbashkët drejt përmirësimit të bashkëpunimit ndërmjet komunave, organizatave të shoqërisë civile dhe rinisë. Duke pasur parasysh bashkëpunimin e shkëlqyer që në periudhën katërvjeçare ka pasur komuna e Vitisë me programin ReLOaD, kryetari i komunës së Vitisë Sokol Haliti ka mbajtur një fjalë rasti për praktikat e mira në inplementimin e projekteve në kuadër të programi ReLOaD. Ai mes tjerash tha se komuna e Vitisë, për disa vite me radhë, ka bashkëpunuar ngushtë me këtë program, ku përfitues të tyre në veçanti janë shumë qytetarë të komunës së Vitisë, për të cilën unë si kryetar i komunës së Vitisë, u jam falënderues. “Programi në vazhdimësi ka ofruar mbështetjen e duhur të organizatave të shoqërisë civile, por edhe grupeve të ndryshme të interesit të komunës së Vitisë. Përmes këtij programi shumë të rëndësishëm dhe bashkëpunimit tonë të sinqertë me njeri tjetrin, ne kemi arritur shumë suksese. Për më shumë se 3 vite, kemi arritur të mbështesim edhe fermerët vitias me projekte të ndryshme nëpër sektor bujqësor, si në atë të bimëve mjekësore, aromatike, por edhe hapjen e bizneseve të vogla”, është shprehur kryetari Haliti. Ai më tej ka përmendur mbështetjen që ReLOaD ka dhënë gjatë kohës së pandemisë duke pajisur me mjete higjienike institucionet publike, objektet shkollore si masa mbrojtëse për parandalimin e shpërndarjes së Covid 19, por edhe projekte te tjera si në adresimin e nevojave të komuniteteve në formë transparente përmes thirrjeve publike, ngritjen e kapaciteteve profesionale të certifikimit të 66 grave fermere, projektin për drejtësi për personat me nevoja të veçanta dhe shumë projekte të tjera.
