Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas dorëzimit të aktakuzës, nga Prokuroria e Gjykatës Speciale, kryetari i Kosovës, Hashim Thaçi do të intervistohet të hënën në Hagë, ndërsa atë do ta mbrojë avokati kroat, Lluka Misetiq, i cili ka përvojë në mbrojtjen e pjesëtarëve të luftërave të ish- Jugosllavisë. Ai është në listën e 40 juristëve të akredituar, të cilët mund të përfaqësojnë të dyshuar, të akuzuar, një grup viktimash ose këdo tjetër që gëzon të drejtën e përfaqësimit juridik në procedurat para Dhomave të Specializuara. Misetiq tashmë ka nisur “mbrojtjen” publike të kryetarit, Thaçi. Ai shkruan se Thaçi ka të drejtë duke e lidhur njoftimin për dorëzim të aktakuzës si interferim lidhur me takimin në Shtëpinë e Bardhë, ku do të shkonte Thaçi për rifillim të dialogut me Serbinë. Më herët në Gjykatën e Hagës, Misetiq e ka mbrojtur Ante Gotovinën, komandantin e forcave kroate, i cili kishte udhëhequr në operacionin “Stuhia” kundër forcave serbe. Gotovina ishte dënuar me 24 vjet burg por u lirua një vit më vonë, në vitin 2012 duke u shpallur i pafajshëm.
