Pas Incidentit ministri Zharku vizitoi ANP,,Adem Jashari”

03/05/2016 Institucionet

Mbrëmë, rreth orës 19:30, një aeroplan i Turkish Airlines, me numër fluturimi TK 1019, i tipit Boeing 737, me 149 udhëtarë në bord, gjatë aterrimit në ANP ,,Adem Jashari” ka dalë nga pista. Të gjithë udhëtarët janë evakuar të sigurt nga aeroplani. Ekipet e Aeroportit, zjarrëfikësve dhe policisë kanë punuar tërë natën për ta nxjerrë aeroplanin nga fundi i pistës dhe për ta rimorkuar deri në platformë.

Me qëllim të mosrrezikimit të sigurisë së fluturimeve, aeroporti është i mbyllur deri në një njoftim të radhës. Në vend të ngjarjes gjatë tërë natës kanë qenë ekipet e Aeroportit, policisë, AAC-së dhe KHAIA-s.

Në orën 21:00, ministri i Infrastrukturës, Lutfi Zharku, ka vizituar ekipet e ekspertëve në vendin e ngjarjes dhe është interesuar për së afërmi për shkaqet e incidentit dhe procedurat e evakuimit të udhëtarëve. Ministri Zharku ka vizituar edhe kullën e kontrollit dhe është takuar me kontrollorët e trafikut ajror në detyrë.

Gjithashtu, është informuar për rrjedhën e operacionit në Qendrën Operative të Emergjencave në Aeroport.

Inspektorët e KHAIA-s dhe të AAC-së janë duke i kryer hetimet rreth këtij incidenti dhe sapo të largohet aeroplani nga pista, do të vlerësohet situata me qëllim të rihapjes së aeroportit për fluturime.

Gjatë ditës autoritetet përgjegjëse për hetime aeronautike do të dalin me informata shtesë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara