Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas përleshjes që ndodhi në sallën e Kuvendit, Partia Socialdemokrate është përleshur fizikisht me Policinë e Kosovës gjatë një aksioni simbolik para Qeverisë së Kosovës, ku aktivistët po shënonin në automjetet zyrtare, sintagmën, “Veç 2-3 minuta”. Ky aksion erdhi pas publikimit të audio-incizimeve në media të shefes së Grupit Parlamentar të LVV-së, Mimoza Kusari-Lila, e cila dëgjohet duke diskutuar me ish-deputetin e Listës Serbe, Slavko Simiq. Aktivisti i kësaj partie, Nol Nushi ka thënë se ndërhyrja e Policisë për të mos i lënë ta kryejnë aksionin është i papranueshëm. Këso aksionesh kemi zhvilluar dhjetëra herë, kurrë nuk ka pasur ndërhyrje. Tani po ndërhynë se i ka mbuluar marrja. Nuk është punë polici të godasësh me boksa pas shpine, tha ai. Edhe sekretarja e kësaj partie, Teutë Rrusta u shpreh e shqetësuar lidhur me përleshjen që ndodhi me Policinë e Kosovës. Ajo tha se shefja e Grupit Parlamentar të Vetëvendosjes, Mimoza Kusari-Lila është koordinuar me Listën Serbe lidhur me Ligjin për paga të veteranëve.
