Pas riparimit, rifilluan shërbimet shëndetësore në QMF-në e Kijevës

19/09/2019 Institucionet

Qendra e Mjekësisë Familjare (QMF) në Kijevë, është riparuar në tërësi, falë një donacioni nga organizata zvicerane AQH, dhe tashmë ka rifilluar ofrimi i shërbimeve shëndetësore në këtë qendër, por në kushte më të mira dhe ambient më të zgjeruar. Për këtë qëllim, kryetari i Komunës së Malishevës, Ragip Begaj dhe drejtori i Drejtorisë për Shëndetësi dhe Mirëqenie Sociale, Liridon Hoti, e kanë vizituar QMF-në në Kijevë. “Pas riparimeve të bëra brenda ambienteve të kësaj qendre, janë krijuar kushte më të mira për ofrimin e shërbimeve shëndetësore, për të gjithë banorët e kësaj ane të cilët i marrin shërbimet këtu. Këto riparime të kryera janë bërë falë bashkëpunimit të mirë me AQH-në, të cilët i falënderoj për investimet e vazhdueshme në shëndetësi në komunën e Malishevës”, tha kryetari Begaj, i cili u nda i kënaqur me këtë investim, në meremetimin e objektit të Qendrës së Mjekësisë Familjare në Kijevë. Drejtori i Drejtorisë për Shëndetësi dhe Mirëqenies Sociale, Liridon Hoti, tha se bashkëpunimi i mirë me AQH-në, ka bërë që kjo organizatë zvicerane të vazhdoj të përkrahë shëndetësinë në Malishevë, përmes projekteve të ndryshme dhe në fusha të ndryshme të shëndetësisë, përmes mjeteve konkretizuese dhe investimeve si kjo. Sipas tij, AQH, në riparimin e QMF në Kijevë, ka investuar 22 mijë e 800 euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara