Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pasi Qeveria e Kosovës nuk po tërhiqet nga veprimet skandaloze, sot në Prishtinë, kanë protestuar mijëra qytetarë liri-mbrojtës, veteranë e invalidë të luftës. Ata kanë protestuar edhe kundër koordinimit me Milan Radojçiqin, kundër shkeljes së të drejtave të ushtarëve të UÇK! Gjatë protestës u kërkua nga Mimoza Kusari ta dorëzojë mandatin, pasi saktësojnë se një politikane që është zënë duke u koordinuar me Milan Radojçiq kundër luftëtarëve të UÇK nuk duhet të jetë pjesë e Kuvendit të Kosovës. Ligji që përjashton u votua turpshëm nga shumica parlamentare, thuhej në njoftimin e protestës nga OVL e UÇK-së. Protesta qytetare u organizua dhe u mbajt, pasi Qeveria e Kosovës nuk plotësoi kërkesën për t’i përfshirë veteranët e luftës në Ligjin e pagës minimale, si dhe për përmendjen e tyre në bisedën e Mimoza Kusarit me nënkryetarin e Listës Srpska Sllavko Simiq. Ata mbajtën në duar pankarta me mbishkrime të shuma e të ndryshme por veçohej ato me postimin: Mimozë, a të kallëzoi Radojçiq se ku janë 1 mijë 600 të zhdukurit e luftës.
Para të pranishmëve në këtë protestë, të mbajtur në një ditë me vapë përcëlluese, një fjalë rasti e mbajti veprimtari i njohur, Kryetari i shoqatës “Zëri i Prindërve”, Bajram Qerkini, i cili akuzoi Qeverinë Kurti për mashtrime gjatë fushatës së zgjedhjeve dhe për mos mbajtjen e asnjë premtimi. Protestuesit vazhdimisht kanë brohoritur, Poshtë Qeveria!. Poshtë Qeveria!.
