Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizuar nga Partia Demokratike e Shqipërisë, në Tiranë u protestua kundër Qeverisë. Bashkë me thirrjet e qindra protestueseve “Rama ik” kryetari i PD-së, Lulzim Basha theksoi se protesta ndaj Qeverisë së Edi Ramës nuk do të ndalet deri në largimin e Qeverisë. Duke i dhënë të drejtë vetes të flet në emër të të gjithë shqiptarëve (!), kryetari i Partisë Demokratike, Lulzim Basha theksoi se shqiptarët nuk e pranojnë të drejtohen edhe më tutje nga kjo Qeveri andaj do përdoret çdo formë e protestës demokratike për ta larguar Kryeministrin Rama. Ndërkohë, organet e rendit i kanë ndërmarr të gjitha masat për mbarëvajtjen e protestës dhe nuk lejuan qarkullimin e automjeteve në rrugët që shpijnë dhe përshkojnë nëpër qendër të Tiranës. Policia e kryeqytetit ju ka bërë thirrje pjesëmarrësve në komunikacion që të kenë mirëkuptim dhe t’i respektojnë masat e marra dhe rregullat e qarkullimit.
