Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të PDK-së, Abelard Tahiri, ka paraqitur kërkesën për një seancë të jashtëzakonshme, në Kuvend, ku do të diskutohet propozimi për themelimin e një komisioni hetimor parlamentar për kontratat njëburimore. Ai bëri të ditur se kjo seancë është parashikuar të mbahet të enjten dhe synon ta rishqyrtojë propozimin e grupit parlamentar të PDK-së për themelimin e këtij komisioni hetimor. Tahiri akuzoi qeverinë e Albin Kurtit për keqpërdorimin e mbi 150 milionë eurove të taksave të qytetarëve nëpërmjet kontratave njëburimore. Ai theksoi se çdo përpjekje për të bllokuar ose refuzuar themelimin e këtij komisioni hetimor është dëshmi e qartë e panikut dhe frikës për t’u ballafaquar me faktet dhe të vërtetën”. Abelard Tahiri u ka bërë thirrje deputetëve për mbështetje të shumicës parlamentare, lidhur me themelimin e komisionit hetimor, duke theksuar hetimin e tillë si një domosdoshmëri për llogaridhënien e pushtetit.
