Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas deklarimeve të kreut të LDK-së dhe kryeministrit të Kosovës, Isa Mustafa, gjatë ditës së shtune në Besianë, ku ai ka folur rreth transformimit të FSK-së në ushtri sot ka reaguar dega e Partisë Demokratike të Kosovës në këtë komunë. Për mes një reagimi për media PDK ka thënë së LDK-ja po i frikësohet krijimit të ushtrisë, njësoj siç kishte frikë ta pranonte UÇK-në. Ndër të tjera në këtë reagim për media përfaqësuesit e kësaj partie kanë thënë se të Isa Mustafës dhe subjekti i tij kanë harruar t’i zbardhin vrasjet e pasluftës. “Kërkesa për zbulimin e autorëve të vrasjeve gjatë pasluftës, e cila gjithnjë është përdorur nga LDK-ja me qëllime të caktuara, duke fajësuar subjekte dhe individë të ndryshëm, për të cilët as hetuesia nuk e ka dhënë fjalën, por që tash e disa vite prej kur është në bashkëqeverisje i ka harruar fare”, thuhet në kumtesën e PDK-së në Besianë.
