Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dega e Partisë Demokratike të Kosovës në Mitrovicë, ka reaguar lidhur me shkeljet ligjore që janë bërë nga ana e pushtetit aktual gjatë vitit shkollor 2015/2016 në arsim, si dhe për situatën e rëndë në veri të qytetit. Mehdi Haxha, zëdhënës i kësaj partie në Mitrovicë, gjatë një konference për medie të mbajtur të hënën e ka quajtur shkatërrim masiv situatën aktuale të arsimit në këtë komunë, duke përmendur edhe emrat e shkaktarëve të kësaj gjendje. Haxha ka deklaruar se mbi 45 mësimdhënës kanë mbetur pa u përfshirë në listën e pagave për shkak se janë pranuar në mënyrë të kundërligjshme. Sipas tij, punësimet familjare nëpër shkolla, të militantëve partiakë me kualifikime më të mangëta ndaj kandidatëve tjerë, si dhe shkelje tjera të shumta, karakterizojnë gjendjen aktuale të rënduar në arsim.
