Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, përmes një postimi, ka ndarë disa foto nga homazhet e zhvilluara te “Varrezat e Dëshmorëve”, ndërsa ka uruar festën e Çlirimit të Shqipërisë. Ai u shpreh nderim të përjetshëm ndaj atyre që na dhuruan lirinë, shkruan Begaj. Vetëm këto fjalë i ka “stolisur” kryetari i Shqipërisë, Bajram Begaj për Çlirimin e vendit, pa vënë në pah rreshtimin e Shqipërisë me koalicionin Antifashist botëror, pastaj sakrificën, gjakun e derdhur rrëke dhe rënien në luftë të 28 mijë dëshmorëve.
Kryeministri, Edi Rama është mjaftuar ta shënojë këtë Ditë Historike, vetëm me një fjali, kalimthi, për të treguar se edhe këtë po e bën sa për sy e faqe. Po sa sy e faqe ka treguar me këtë rast, këtë e ka vërtetuar jo vetëm njëherë, por sa herë vjen 29 nëntori, Dita e Çlirimit të Shqipërisë. Ajo u çlirua më 29 nëntor të vitit 1944 me forca të veta, pa e ftuar Armatën e Kuqe Sovjetike, sikur bënë pothuajse të gjitha shtetet e Ballkanit dhe të Evropës.
