leoni

Për nderë të komandantit Ilaz Kodra u zhvillua turniri në futboll të vogël

30/04/2019 Institucionet

Në 20 vjetorin e rënies së heroit të kombit Ilaz Kodra, nën përkujdesjen e kryetarit të Komunës së Skenderajt, Bekim Jashari, është mbajtur turniri tradicional “Kupa Ilaz Kodra” në futboll të vogël – kategoria e juniorëve. Në këtë vit jubilar fitues doli klubi “Ramiz Sadiku” nga Prishtina, që në finale mundi ekipin e Vushtrrisë, 5 me 1. Në ndeshjet paraprake Vushtrria mundi kadetët e Drenicës 5 me 1, ndërkaq “Drenica Junior” “Ramiz Sadiku” përfundoi në shifrat 1 me 2. Golashënues i turnirit me 4 gola doli Omer Haziri nga klubi vushtrrias, portieri më i mirë u shpall nga klubi fitues, Rinor Azemi i “Ramiz Sadikut”. Për më të mirët u ndanë mirënjohje, medalje dhe “Kupa Ilaz Kodra”. Meqë është 20 vjetori, organizatori ka ndarë bluza sportive për fituesit. Në emër të kryetarit të Komunë së Skenderajt Bekim Jashari, hapjen e turnirit e bëri drejtori i Drejtorisë për Kulturë, Rini dhe Sport, Ramiz Shala, i shoqëruar me drejtorët komunal Mehmet Berisha e Bekim Latifi, të cilët ndanë edhe shpërblimet për fituesit e turnirit “Kupa Ilaz Kodra” në futboll të vogël – kategoria e juniorëve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara