Për shkak të vonesës të deklarimit të pasurisë, KQZ-ja, Selim Pacollit, nuk ia certifikon kandidaturën për kryetar të Prishtinës

27/08/2021 Lajmet

Tema të tjera...

Për shkak të vonesës të deklarimit të pasurisë, KQZ-ja, Selim Pacollit nuk ia certifikon kandidaturën për kryetar të Prishtinës. Në një postim lidhur me këtë vendim të KQZ-së, Selim Pacolli ka shkruar: “Sapo mora lajmin se KQZ nuk do ta certifikoj kandidaturën time për kryetar të Prishtinës. Tërë kjo si pasojë e një aktvendimi të vitit 2019, kur unë kam bërë deklarimin e pasurisë 48 orë pas përfundimit të afatit ligjor për deklarim, (përfshirë ditët e vikendit) Me saktë, afati ishte të Premten, ndërsa deklarimi të Hënën, në orën 8 të mëngjesit në prezencën time fizike. Kjo vonesë ka ndodhë si pasojë e udhëtimit tim për çështje shëndetësore jashtë vendit. Edhe pse në esencë ky është një vendim arbitrar dhe i palogjikshëm, vendimet e gjyqësorit janë të shenjta dhe të padiskutueshme.

U betohem që edhe pse nuk do të jem zyrtarisht kandidat për kryetar të Prishtinës, dëshira dhe angazhimi im për qytetarët e Prishtinës është edhe më i madh. Unë do të ju qëndroj besnik dhe do ti mbështes ne cdo hap të gjithë kandidatët e listës sonë për kuvendin komunal, e në veçanti kandidatin e subjektit tim AKR për kryetar të Prishtinës.

Ju siguroj se zotimi im për qytetarët është po aq i vlefshëm dhe nuk do të abstenojë por do të vazhdoj angazhimin tim sikurse para marrjes së këtij lajmi.

Do të vazhdoje implementimin e të gjitha projekteve të planifikuara për këtë mandat, dhe projektet e parapara për mandatin vijues, e që janë jetike për qytetin tonë.