Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për të parën herë që prej luftës së përgjakshme në periudhën 1992-95, në Bosnjë Hercegovinë, kryetar i qytetit të martirizuar mizorisht do të shpallet personi që refuzoi të pranojë se në Srebrenicë ka ndodhur një akt i gjenocidit. Sipas rezultateve preliminare të zgjedhjeve të 2 tetorit, 34 vjeçari Mlladen Grujiçiq, serb i Bosnjës, është në proces që të bëhet kryetar i ardhshëm i qytetit. Rrjedhimisht, shumë banorë lokalë dyshojnë se ai do të bëjë ndonjë gjë për t’i shëruar plagët ende të freskëta të Srebrenicës. Srebrenica, që gjendet në komponentën e dominuar nga serbët në shtetin dypjesësh multietnik të Bosnjës, është reflektim i këtij vendi si i tërë, pothuajse është e ndarë ndërmjet komunitetit mysliman boshnjak dhe atij të serbëve të Bosnjës, që jetojnë në afërsi me ankth. Në tërë botën, Srebrenica është shndërruar një si legjendë e viktimave të gjenocidit, më e madhja dhe më e tmerrshmja pas Luftës së Dytë Botërore. Gjenocidin në Srebrenicë e lejuan trupat e forcave evropiane në krye me eprorët hollandezë, në verë të vitit 1995.
